النجمة السهرانة

الليل حالك
والظلام شديد
والقمر أشار من بعيد
لنجمة سهرانة
لسحابة ضجرانة
لنور بيت
وبنت تغزل مواويل
من ذكريات قريبة
أو بعيدة
تحاكي الخيال
اللي انحفظت بالبال
والدرب يطوي
والدمع يجري
وين الأحباب
هجروا العتاب
وين الغاليين
هل هني حيرانين
ام غرقانين
بليل السكر
بكلام الغزل
بين الزنبق و الورد
ونسيوا الود
القمر غمّض عينيه
ونام ع كتف الوادي
والدني عم تشتي
ما عاد يعرف
هي دموع البنت
البكيانة
او قطرات سحابة
بردانة
ليتك يا ليل ما تطول
واغسل القلوب
المكسورة
ع هيك التل
ليرجع ضو الفجر
يشع من جديد

@ جمانة عيتاني @
* شاعرة الكلمة * لؤلؤة الجمان*
****************