انغلق الباب

انغلق الباب
وضاع المفتاح
والدنيي برد
وكانون بالدرب
السواد شديد
والقمر غريب
مخبى ورا الغيم
بيطلع من بعيد
عالارض البيضا
زعلان من سهرة
والبنت بردانة
برات البيت وتعبانة
تفتش عالمفتاح
بجيب الثوب
او يمكن ضاع
بهيك الدرب
حد العين خلف
صخرة العشاق
مطرح ما كان
القلب مشتاق
رجعت تنادي
الحبيب والصدى
يرد ويجيب
والنجمة كسلانة
من البرد غفيانة
تعكس الضو
من بعيد ع درب
العشاق وتزيد
حتى رجعت
الصبيي
ولقيت المفتاح
من شويي
هونيك حد السهل
ع ضفة النهر
زرعت قلب
مليان شوق
بين موجة
ترتاح و موجة
تهربمن الريح
رجعت الصبي
عالبيت
تحمل هديي
للدفى
شال حرير
ازهاره ملونة
نسيته من سنين
والشوق انين
يا ويلي من الحنين
@ جمانة عيتاني @
* شاعرة الكلمة * لؤلؤة الجمان *
**************