يا عمري اللي عم يمضى عالهَدى
و عم تحمل بطياتك
غبار المدى
وتكسّر جليد وتطفي
حريق بالندى
وتشعل بريق ايام
السعادة والهنا
بتضم أحلام وبترسم
بالالهام الأنا
من دون ما تجرح
ضوء المحبة والسنا
بعيون الأحبة والأخوة
وبلسان الثنا
زرعت المودّة بقلوب
مرت من هنا
بضلوع مغرمة
بالاحترام والمنى
عن السلام والامان
بقلبي لا غنى
لح وزّع بعيدي أحلى
زهرات الجنى
مع لحظات فنن
جديد لح ينبنا
بعمري يا قلبي
زهرة المنحنى
@ جمانة عيتاني@شاعرة الكلمة * لؤلؤة الجمان *
ليست هناك تعليقات:
إرسال تعليق